పరివర్తన అవాజ్ తెలుగు దిన పత్రిక అక్టోబర్ 1
బిల్డింగ్ అండ్ అదర్ కన్స్ట్రక్షన్ వర్కర్స్ యూనియన్ ఏఐసిటియు వరంగల్ జిల్లా వర్క్ షాప్ పోలేపాక రవీందర్ అధ్యక్షతన ఓంకార్ భవనం వరంగల్ లో నిర్వహించడం జరిగింది . ఈ సందర్భంగా వ్యవసాయ కార్మిక సంఘం రాష్ట్ర కార్యదర్శి గోనె కుమారస్వామి ఏఐసిటియు జిల్లా ఉపాధ్యక్షులు మాలోతు సాగర్ ముఖ్య అతిథులుగా పాల్గొని మాట్లాడుతూభవన నిర్మాణ రంగంలో పనిచేస్తున్న కార్మికులు రాష్ట్ర ఆర్థిక వ్యవస్థకు కీలకంగా సేవలందిస్తున్నప్పటికీ, వారి జీవన పరిస్థితులు మాత్రం అత్యంత దయనీయంగా ఉన్నాయని అన్నారునిర్మాణ రంగంలో పనిచేసే కార్మికులకు పని భద్రత, సరైన వేతనాలు, ప్రమాద బీమా, ఆరోగ్య రక్షణ, పిల్లల విద్య, వృద్ధాప్య భద్రత వంటి అంశాల్లో అనేక సమస్యలు ఎదురవుతున్నాయి. రోజువారీ కూలీపై ఆధారపడి జీవించే నిర్మాణ కార్మికులకు పని దొరకని రోజుల్లో కుటుంబ పోషణ భారంగా మారుతోంది.భవన నిర్మాణ కార్మికుల సంక్షేమం కోసం ఏర్పాటు చేసిన భవన మరియు ఇతర నిర్మాణ కార్మికుల సంక్షేమ బోర్డు ద్వారా కార్మికులకు అందాల్సిన సంక్షేమ పథకాలు సకాలంలో అందేలా ప్రభుత్వం చర్యలు తీసుకోవాలి. కార్మికుల నుంచి వసూలు చేస్తున్న సంక్షేమ సెస్సు నిధులు కార్మికుల సంక్షేమానికే పారదర్శకంగా వినియోగించాలి.ప్రధాన డిమాండ్లు:భవన నిర్మాణ కార్మికులందరికీ సులభంగా రిజిస్ట్రేషన్, రెన్యువల్ చేసే విధానం ఏర్పాటు చేయాలి.పెండింగ్‌లో ఉన్న వివాహ, విద్య, ప్రసూతి, ప్రమాదం, సహజ మరణం తదితర సంక్షేమ సహాయాలను వెంటనే విడుదల చేయాలి.నిర్మాణ ప్రదేశాల్లో భద్రతా ప్రమాణాలను కఠినంగా అమలు చేసి ప్రమాదాలను నివారించాలి.ప్రమాదంలో మరణించిన లేదా శాశ్వత వైకల్యానికి గురైన కార్మికుల కుటుంబాలకు త్వరితగతిన పరిహారం అందించాలి.కార్మికుల పిల్లలకు విద్యా సహాయం, స్కాలర్‌షిప్‌లు సకాలంలో అందించాలి.మహిళా నిర్మాణ కార్మికులకు ప్రసూతి సమయంలో సమగ్ర ఆర్థిక, వైద్య సహాయం అందించాలి.నిర్మాణ కార్మికులకు ఆరోగ్య బీమా, ఉచిత వైద్య సదుపాయాలు కల్పించాలి.
వృద్ధాప్యంలో పనిచేయలేని కార్మికులకు నెలవారీ పెన్షన్ అందించే విధానాన్ని బలోపేతం చేయాలి.
నిర్మాణ రంగంలో పనిచేస్తున్న వలస కార్మికులను కూడా సంక్షేమ పథకాల పరిధిలోకి తీసుకురావాలి.
సంక్షేమ బోర్డు నిధుల వినియోగంపై పూర్తి పారదర్శకత, సామాజిక ఆడిట్ నిర్వహించాలి.
భవన నిర్మాణ కార్మికుల సమస్యలను కేవలం సంక్షేమ పథకాలతో పరిమితం చేయకుండా, వారికి గౌరవప్రదమైన జీవితం, పని భద్రత, సామాజిక భద్రత, న్యాయమైన వేతనం కల్పించే విధంగా సమగ్ర విధానాన్ని ప్రభుత్వం రూపొందించాలని వారు డిమాండ్ చేసింది.అనంతరం నూతన జిల్లా కమిటీ 27 మందితో ఏకగ్రీవంగా ఎన్నుకున్నారు జిల్లా అధ్యక్ష, కార్యదర్శులుగా బల్సుకురి నర్సయ్య గణిపాక ఓదేలు జిల్లా ఉపాధ్యక్షులుగా పోలేపాక రవీందర్ ఎండి అబ్బు భోగ సత్యం రాజారపు పెద్దరాజు సహాయ కార్యదర్శిగా మార్తసుధ మిట్టపల్లి శ్రీనివాస్ చిదరబోయిన యాకయ్య మరాటి కుమారస్వామి వీరితోపాటు మరో 17 మంది జిల్లా కమిటీ సభ్యులుగా ఏకగ్రీవంగా ఎన్నుకున్నారుఈ కార్యక్రమంలో మీసంపల్లి రాజు బర్గల రవి బిర్రు యాకన్న చిలక రవి బాస్ కుల అశోక్ ఇటుకల సమ్మయ్య రావుల రాజేష్ పత్తిపాక గోపాల్ బొలిగొండ అశోక్ గొడుగు విజయ్ కుమారస్వామి బిక్షపతి తదితరులు పాల్గొన్నారు
