Thursday, November 19, 2026
Home People రోస్టర్ పాయింట్ల సవరణ కోసం మాల సంఘాల నిరాహార దీక్ష

రోస్టర్ పాయింట్ల సవరణ కోసం మాల సంఘాల నిరాహార దీక్ష

0
44

📰 Generate e-Paper Clip

కామారెడ్డి జిల్లా  పరివర్తన ఆవాజ్ : మాల మహానాడు సంఘం, మాల సంఘం, అంబేద్కర్ సంఘం ఎంసిఎఫ్ సంఘాల ఆధ్వర్యంలో కామారెడ్డి జిల్లా కేంద్రంలోని మున్సిపల్ కార్యాలయం ముందు మహనీయుల విగ్రహాల ముందు రోస్టర్ పాయింట్ల సవరణ సాధనకై ఒక్కరోజు శాంతియుత నిరాహార దీక్ష చేపట్టారు. ఈ కార్యక్రమానికి ముఖ్య అతిథులుగా మాల సంఘం తెలంగాణ రాష్ట్ర వ్యవస్థాపకులు అయ్యల సంతోష్ హాజరయ్యారు. ఈ సందర్భంగా అయ్యల సంతోష్, మాల మహానాడు జిల్లా అధ్యక్షులు కంకణాల రమేష్, అంబేద్కర్ సంఘం రాష్ట్ర ఉపాధ్యక్షులు ఆకుల బాబు, సంఘీ రాజలింగం, ఎంసిఎఫ్ జిల్లా కన్వీనర్ చెవుల రవీందర్, ఎంసిఎఫ్ కో కన్వీనర్ సుతారి సుధాకర్, జిల్లా నాయకులు ఎడ్ల రాజు మాట్లాడుతూ హలో మాల చలో కామారెడ్డి ఒక్కరోజు రోస్టర్ పాయింట్ల సవరణ సాధనకై శాంతియుత నిరాహార దీక్ష చేపట్టడం జరిగిందని, వర్గీకరణ విషయంలో మాలలకు అన్యాయం జరిగిందని రోస్టర్ పాయింట్ల సవరణ సరి చేయాలని తెలంగాణ రాష్ట్ర సీఎం రేవంత్ రెడ్డిని కోరారు. దీనికి రాష్ట్రంలో ఉన్న మాల వర్గానికి చెందిన ఎమ్మెల్యేలు, మంత్రులు సీఎం రేవంత్ రెడ్డి దృష్టికి తీసుకువెళ్లి రోస్టర్ పాయింట్ల సవరణ చేయించాలని లేకపోతే రాబోయే ఎలక్షన్లలో మా సత్తా ఏంటో చూపెడతామని అన్నారు. ఈ కార్యక్రమంలో దుబాసి నరేందర్, సంగయ్య, బత్తుల స్వామి, సాయి మౌర్య, యేసు రాజు,సంజీవ్,సత్యం,సూర్య, నాలుక స్వామి,కృష్ణ పాల్గొన్నారు.

LEAVE A REPLY

Please enter your comment!
Please enter your name here

App Icon

Install AWAAZ News App

Add to home screen for faster loading and latest updates.