పరివర్తన అవాజ్ తెలుగు దిన పత్రిక జిడబ్ల్యూఎంసి: సెప్టెంబర్ 22:
గణేష్ నిమజ్జన కార్యక్రమాన్ని ప్రశాంతంగా, సురక్షితంగా నిర్వహించేందుకు గ్రేటర్ వరంగల్ మున్సిపల్ కార్పొరేషన్ ఆధ్వర్యంలో చేపట్టిన ఏర్పాట్లను బల్దియా ప్రత్యేకాధికారి, హన్మకొండ జిల్లా కలెక్టర్ చాహత్ బాజ్పాయ్, బల్దియా కమిషనర్ టి.వెంకన్న మంగళవారం క్షేత్రస్థాయిలో పరిశీలించారు.హన్మకొండ పరిధిలోని సిద్దేశ్వరగుండం, బంధం చెరువు తదితర నిమజ్జన కేంద్రాలను సందర్శించిన వారు అక్కడ భక్తులు, గణేష్ ఉత్సవ కమిటీలకు అవసరమైన సౌకర్యాలపై అధికారులను అడిగి తెలుసుకున్నారు. నిమజ్జన ప్రక్రియ సజావుగా సాగేందుకు అవసరమైన ఏర్పాట్లను ముందుగానే పూర్తి చేయాలని, భక్తులకు ఎలాంటి అసౌకర్యం కలగకుండా తగిన చర్యలు చేపట్టాలని అధికారులను ఆదేశించారు.నిమజ్జన కేంద్రాల వద్ద పారిశుద్ధ్యం, తాగునీరు, విద్యుత్, లైటింగ్, బారికేడింగ్, రాకపోకల నియంత్రణ, క్రేన్లు తదితర ఏర్పాట్లను సమన్వయంతో నిర్వహించాలని సూచించారు. నిమజ్జనం పూర్తయ్యే వరకు అధికారులు, సిబ్బంది అందుబాటులో ఉండి పరిస్థితులను నిరంతరం పర్యవేక్షించాలని పేర్కొన్నారు.గణేష్ ఉత్సవ కమిటీలు, భక్తులు అధికారులకు సహకరించి నిమజ్జన కార్యక్రమాన్ని ప్రశాంత వాతావరణంలో విజయవంతం చేయాలని వారు కోరారు.ఈ కార్యక్రమంలో బల్దియా సూపరింటెండెంట్ ఇంజనీర్ రాజ్కుమార్, ఈఈ రవికుమార్ తదితర అధికారులు పాల్గొన్నారు.
