పరివర్తన అవాజ్ :మహబూబాబాద్ జిల్లాలో మంగళవారం నాడు ఉద్యమకారుల ఆత్మీయ సమ్మేళనం అత్యంత ఉత్సాహంగా జరిగింది. ఈ ముఖ్యమైన కార్యక్రమంలో ఇల్లందు మండల కాంగ్రెస్ పార్టీ మాజీ ప్రధాన కార్యదర్శి మరియు ఉద్యమ నాయకులు ఎస్కే నాగుల్ మీరా పాల్గొని, తెలంగాణ ఉద్యమానికి తన సాహిత్యం ద్వారా స్ఫూర్తినిచ్చిన మహాకవి అందెశ్రీ కి ఘనంగా నివాళులర్పించారు.మహాకవి అందెశ్రీ గారి రచనలు, ముఖ్యంగా రాష్ట్ర గీతం ‘జయ జయహే తెలంగాణ’ ఉద్యమకారులలో శక్తిని నింపాయని, తెలంగాణ చరిత్రలో అందెశ్రీ స్థానం చిరస్మరణీయమని ఆయన కొనియాడారు. ఉద్యమ స్ఫూర్తిని, ఐక్యతను కొనసాగించాలని ఆయన పిలుపునిచ్చారు.ఈ సమ్మేళనానికి తెలంగాణ రాష్ట్ర టి యు జెఎసి చైర్మన్ సుల్తాన్ యాదగిరి, వైస్ చైర్మన్ రవీంద్ర, రాష్ట్ర ప్రధాన కార్యదర్శి మల్లేశం లతో పాటు గాజుల యాదగిరి, ఎస్.కె ఫక్రుద్దీన్, గద్దర్ భాష, అయోధ్య, ఫోక్ సింగర్ రమ వంటి పలువురు కీలక ఉద్యమ నాయకులు హాజరై కార్యక్రమాన్ని విజయవంతం చేశారు. ఈ ఆత్మీయ సమావేశం ఉద్యమ జ్ఞాపకాలను నెమరువేసుకుంటూనే, ప్రజా సమస్యలపై పోరాటంలో తమ ఐక్యతను బలోపేతం చేసింది.